Shpërthime të fuqishme kanë tronditur mbrëmjen e së enjtes qendrën e Dubait, ndërsa raportohet se sistemet e mbrojtjes ajrore kanë interceptuar raketa mbi qytet.
Sipas raportimeve të mediave ndërkombëtare, përfshirë Euronews, banorët në zonat qendrore të Dubait kanë dëgjuar disa shpërthime të forta, ndërsa dëshmitarë okularë kanë deklaruar se kanë parë raketa të neutralizuara në qiell.
Ngjarja dyshohet se lidhet me një valë të re sulmesh iraniane ndaj objektivave në Emiratet e Bashkuara Arabe.
Deri tani nuk ka të dhëna të konfirmuara për dëme apo viktima.
Sulmet vijnë pas një periudhe qetësie, pas armëpushimit mes Shteteve të Bashkuara dhe Iranit dhe marrëveshjes kuadër për përfundimin e konfliktit të arritur në mesin e qershorit.
Vetëm pak ditë më parë, Irani kishte goditur dy anije të Emirateve të Bashkuara Arabe në Ngushticën e Hormuzit, duke rritur tensionet në një nga zonat më strategjike të tregtisë globale të energjisë.
Autoritetet në Dubai dhe Emiratet e Bashkuara Arabe pritet të japin më shumë detaje lidhur me situatën dhe masat e marra pas incidenteve të fundit.
Discussion about this post