Kreu i PD në Gradishtë, Ahmet Kaloshi ka dhënë një intervistë për Fax News duke u përgjigjur akuzave të bëra nga deputeti i PS, Erion Braçe ku ky i fundit akuzon Kaloshin se në një tokë shtetërore të marrë me qira ka mbjellë plepa.
Kaloshi tha se sipërfaqja që ai kishte në pronësi ishte me dokumente të rregullta dhe nuk ishte tokë shtetërore. Sa i përket akuzave të bëra nga Braçe, Kaloshi i cili mban edhe postin e kreut të PD në Gradishtë tha se kishte arsye politike për shkak të një përplasje që kishte pasur me deputetin në zgjedhjet e 25 prillit.
“E para, kjo nuk është tokë me qira e marrë nga shteti. Nuk kam nevojë ta marr me qira, jam marrë me toka që fëmijë. Unë kam pasur dele dhe lopë që në vitet ’80, jam bujk që në atë kohë. Sa i përket akuzave, kjo nuk është tokë shtetërore, por e ish të persekutuarve dhe e kam me certifikatë. Sa i përket Braçes, ai është përplasur me mua në 25 prill të 2021. Isha duke monitoruar rrugën më vjen informacion që në njësinë administrative, ishin 5 femra që merrnin me telefon për të pyetur se kush kishte votuar dhe kush jo. Shkoj atje, i bie derës, hyjnë me vrap brenda ata, thirra policinë Plepat i kam mbjellë sepse nafta ka shkuar aq lekë. Edhe plepat duhen sepse eksportet do bëhen me arka druri të cilët bëhen nga plepat. Plepa ke kudo, shkon nxirri edhe ato në foto. Unë nuk kam mbjellë hashash, kam mbjellë plepa prej 5 vitesh”, u shpreh Kaloshi.
Pjesë nga “përplasja”:
Kaloshi: Ke tre hajduta aty brenda
Braçe: Ti e di fort mirë se unë votat e tua nuk i marr dot, nuk i marr dot votat e PD-së.
Kaloshi: Unë të sfidoj ty dhe që sot nuk më sheh në politikë nëse nuk ka persona aty mbrapa dhe hajduta.
Braçe: Po çfarë po vjedhin? Po leje tani se nuk ka asgjë aty brenda. Mos bëjmë ironi tani.
Discussion about this post