Pas thirrjeve të përsëritura të Ramës ndaj SPAK, ka reaguar deputetja e Partisë Demokratike, Jorida Tabaku. Tabaku u shpreh se Rama reagon sa herë që shikon se hetimet po shkojnë në drejtimin e duhur. Ajo gjithashtu tha se ndoshta disa nga institucionet po e bëjnë punën mire, për këtë arsye janë rritur sulmet politike.
“Këtu kam disa fjali për të thënë për sulmet politike ndaj SPAK kohët e fundit. Fatkeqësisht pushteti kur nuk të kontrollon dot, të sulmon. Ndodh që sa herë që ka një problem sulmohet, sulmohet kur duket që po shkohet në drejtimin e duhur e unë kam përshtypjen që ndoshta hetimet po shkojnë në drejtimin e duhur. Ndoshta disa nga institucionet po e bëjnë punën mire, për këtë arsye janë rritur sulmet politike. Parlamenti, një nga prioritetet e elementet kyç që përmendet në progres raportin është ndarja e politikës nga vendimmarrja e gjyqësorit, mos ndërhyrje në vendimmarrje, mos ndërhyrje në rastin e hetimeve ndaj korrupsionit” – u shpreh Tabaku.
Discussion about this post