Në Komisionin për Politikën e Jashtëm u diskutua për sulmet kibernetike të Iranit ndaj sistemeve shtetërore online si dhe ndaj sistemit TIMS.
Deputetja e Partisë Demokratike Grida Duma, teksa mori fjalën tha se të dhënat janë nxjerrë nga patronazhistët. Duma ka vijuar me akuza ndaj qeverisë duke u shprehur se ka hedhur një bombë me patronazhistët duke cenuar demokracinë.
“Nga ana jonë ka konstruktivitet. Ne si deputetë të opozitës do ta bëjmë detyrën tonë. Ka një bombë të hedhur nga një shtet arrogantë, gangster, por ka dhe një qeverisje gangstere, që thotë se si lëviz njëri patronazhistët. A jeni në gjendje që pas kësaj konventa që keni mbështetjen, tonë ju pyesim ai mbani dot këto përgjegjësi? Dhe kjo është minimalja e detyrës, pasi maksimalja do ishte përkthyer me dorëheqje të rënda në qeveri. Canja e kishte fajin se i vodhën lopën, se nuk e ruajti, por Canja ju përgjigj, po hajduti që ma mori s’ka faji? Nëse qeveria vetëm firmos letra, por s’merr asnjë masë, çfarë bëjmë ne, bëjmë sikur. Ju keni hedhur një bombë për demokracinë me patronazhistët dhe si hynë asnjë gjemb në këmbë atyre dhe s’ka asnjë dorëheqje. Ne nuk bëjmë dot sikur. Ne e firmosim letrën, por e bëni dot realitet. Ju mund ta mbuloni me iranin, por bomba ra në prill, asnjë përgjigje për patronazhistët”, tha Duma.
Discussion about this post