Ambasadorja e SHBA-ve, Yuri Kim e ftuar në aktivitetin e Dhomës Amerikane të Tregtisë komentoi sulmet kibernetike që ndodhën në vendin tonë, pas të cilës thuhet se fshihet Irani.
Në fjalën e saj, Kim theksoi se më e rëndësishmja është mbrojtja nga hakerimet, dhe se po kryhen diskutimet e nevojshme me partnerët ndërkombëtarë sa i takon sulmeve kibernetike.
“Të kemi një sallë të mbushur me drejtues vendore dhe kryebashkiakë sepse këta kanë një lidhje më të ngushtë me qytetarët. Ju e dini vetë më mirë se ne se për çfarë kanë nevojë qytetarët dhe kërcënimet e rreziqet me të cilat përballen zgjedhësit tuaj çdo ditë. Edhe hakerimet, njerëz që po përpiqen të cenojnë demokracinë. Po flasim me partnerët tanë për të ruajtur sigurinë e shtetit, ju do të keni mundësinë të diskutoni se sit a bëni teknologjinë të funksionojë për demokracinë, rreziku është aty jashtë, hakerë që mbledhin të dhënat e qeverisë dhe qytetarëve, të cilat më pas do i përdorin për qëllimet e tyre, ka shtete që mund t’i financojnë. Kemi njerëz të duhur në këtë sallë, persona që kuptojnë rreziqet dhe besoj do mundësojnë përgjigjet. Ndërtimi i qyteteve inteligjente, duke nisur nga kujdesi shëndetësor deri të pagesa e dritave. Me rëndësi mbetet mbrojtja nga aktorët keqdashës”, tha Yuri Kim.
Discussion about this post