“Ukraina ka të drejtë të mbrohet”. Kështu u shpreh sekretari i përgjithshëm i NATO-s, Jens Stoltenberg për sulmet e fundit me dron që kanë goditur Moskën.
Ndërkohë, presidenti ukrainas Volodymyr Zelensky ka mbërritur ditën e sotme në Kështjellën Mimi, në Moldavi, për të marrë pjesë në takimin e Komunitetit Politik Evropian të përbërë nga 47 vende, duke përfshirë 27 anëtarët e Bashkimit Evropian, Britaninë e Madhe, Ballkanin Perëndimor, Turqinë dhe vendet e Kaukazit.
Prania e Zelenskit u mbajt e fshehtë deri në minutën e fundit për arsye sigurie, por në orët e fundit në Kishinau qarkulluan zëra për ardhjen e tij.
Zelensky është lideri i parë që mbërrin në samit, seanca plenare e të cilit do të fillojë në orën 12, përpara fotos familjare, momenti simbolik i samitit. Një foto në të cilën do të jetë edhe Zelensky.
Discussion about this post