Sulmet me raketa në Kiev, Zelensky kërkon takim urgjent të G7

Presidenti ukrainas Volodymyr Zelensky ka rënë dakord për nevojën për një takim urgjent të G7 pas bisedës me kancelarin gjerman Olaf Scholz.

“U pajtuam me kancelarin Olaf Scholz të Gjermanisë që mban presidencën e G7 për një takim urgjent të Grupit. Fjalimi im është planifikuar, në të cilin do të tregoj për sulmet terroriste nga Federata Ruse. Ne diskutuam gjithashtu çështjen e rritjes së presionit mbi Federatën Ruse dhe ndihmën në rivendosjen e infrastrukturës së dëmtuar”, tha ai.

Ndërkohë duke folur në rrugët e Kievit, Zelensky përsëri pretendoi se Moska kishte përdorur armë të prodhuara nga Irani, duke shtuar se Rusia kishte “dy objektiva”.

“Kiev, Khmelnytsky, Lviv, Dnipro, Vinnytsia, Frankiv, Zaporizhzhia, Sumy, Kharkiv, Zhytormyr dhe Kirovohrad. Ata duan panik dhe kaos, duan të shkatërrojnë sistemin tonë energjetik. Ata janë të pashpresë. Objektivi i dytë janë njerëzit. Një kohë e tillë dhe objektiva të tillë janë zgjedhur posaçërisht për të shkaktuar sa më shumë dëme”, shtoi ai, teksa u kërkoi banorëve të qëndrojnë sot në strehimore.