Presidenti Joe Biden ka thënë se SHBA-ja duhet të miratojë ligjin për ndalimin e blerjes së armëve të zjarrit si pasojë e ngjarjeve të fundit të ndodhura. Në një fjalim nga Shtëpia e Bardhë, Biden tha se shumë vende publike në Amerikë po kthehen në “fusha beteje”.
Ai tha se nëse Kongresi nuk mund të miratojë këtë ligj, atëherë duhet të rritet mosha për t’i blerë ato, nga 18 në 21.
Presidenti amerikan bëri thirrje gjithashtu për zgjerimin e kontrolleve federale në rang mbarëkombëtar, ku do t’u hiqen armët personave qe konsiderohen të rrezikshëm.
Por gjasat që Kongresi të miratojë këto masa për kontrollin e armëve duken të vogla.
“Kjo nuk ka të bëjë me marrjen e armëve, kjo nuk ka të bëjë me heqjen e të drejtave të njeriut, ka të bëjë me mbrojtjen e fëmijëve”. “Pse një qytetar i zakonshëm duhet të jetë në gjendje të blejë një armë zjarri që në një karikator mban 30 fishekë, dhe lejon persona të tillë si i riu ne Teksas të gjuajnë qindra plumba në pak minuta?” tha ai.
Deklaratat e tij vijnë pas të shtënave masive në Buffalo, Nju Jork, Uvalde, Teksas dhe Tulsa, Oklahoma.
Komiteti Gjyqësor i Dhomës së Përfaqësuesve mbajti një seancë urgjente për të diskutuar propozimet e reja për kontrollin e armëve.
Kongresmeni Greg Steube, një republikan nga Florida, iu bashkua seancës nga shtëpia e tij përmes Zoom dhe shfaqi disa pistoleta nga koleksioni i tij personal, të cilat ai tha se do të ndaloheshin nëse legjislacioni miratohej.
Një demokrat nga Teksasi ndërhyri për të thënë: “Shpresoj që arma të mos jetë e mbushur”.
Steube u përgjigj: “Unë jam në shtëpinë time. Unë mund të bëj çfarë të dua me armët e mia.”
Republikani nga Luiziana, Louie Gohmert, tha se demokratët “akuzojnë republikanët se janë bashkëpunëtorë në vrasje”.
“Si guxon. Mendon se ne nuk kemi zemër?” shtoi ai.
Akti për Mbrojtjen e Fëmijëve tanë të udhëhequr nga Demokratët kombinon tetë projektligje të ndryshme për kontrollin e armëve dhe përfshin shumë nga propozimet për të cilat foli zoti Biden.
Republikanët, të cilët përbëjnë gjysmën e vendeve në dhomën me 100 vende, e konsiderojnë aksesin në armë një të drejtë kushtetuese për çdo amerikan. Shumica e ligjeve kërkojnë 60 vota për t’u miratuar.
Matt Bennett nga grupi demokratik Third Ëay, i tha BBC-së se shumë republikanë të Senatit – edhe pse privatisht dashamirës ndaj kontrolleve më të rrepta të armëve – kishin frikë mos humbnin vota nga kandidatët e krahut të djathtë të cilët janë pro-armë më shumë sesa kishin frikë se do të humbnin nga demokratët e mirëfilltë.
Ndërkohë, Gjykata e Lartë e SHBA po shqyrton ligjin per ndalimin e armëve, duhet marrë parasysh se sipas Arkivit të Dhunës me Armë, ka pasur 233 të shtëna masive në SHBA këtë vit.
Discussion about this post