Prej dy ditësh Ukraina po përballet me bombardimet ruse dhe shumë shtete po vihen në lëvizje, duke i kërkuar Putinit të tërhiqet. Sakaq është njoftuar se ministrat e vendeve pjesë të BE do të zhvillojnë sot një mbledhje urgjente për të diskutuar mbi hapat që do të merren rreth kësaj çështjeje. NATO gjithashtu do të të mbledhë Samitin e Jashtëzakonshëm.
Në këtë rrjedhojë ka ardhur edhe lëvizja e kryeministrit tonë, Edi Rama, i cili ka njoftuar se pasditen e sotme do të dalë në një konferencë për mediat, ku do të flas për këtë çështje dhe veprimet që do të ndërmarrë Shqipëria.
“Pas Samitit të Jashtëzakonshëm të NATO-s që do të mbahet gjatë ditës, do të zhvillojmë një konferencë të jashtëzakonshme për shtyp në orët e mbrëmjes, në varësi të përfundimit të Samitit”, shkruan ai.
Ditën e djeshme Rama reagoi për sulmet ruse dhe tha se do të forcat tona do të bashkohen me NATO -n në mbrojtje të Ukrainës.
Discussion about this post