Kryeministri i Kosovës, Albin Kurti, ka reaguar sot në lidhje me sulmet ndaj Policisë së Kosovës në veri të vendit, të cilat dyshohet se erdhën nga territori i Serbisë. Kurti tha në një deklaratë për mediat se sulmet kishin për qëllim vrasjen e pjesëtarëve të Policisë së Kosovës. Ai ka kërkuar hetime për zbardhjen e rastit.
“Ne kemi dënuar ashpër këtë sulm i cili ishte sulm terrorist meqenëse me plumba dhe granata u gjuajtën pjesëtarët e policisë të cilët patën fat që pësuan vetëm dëme materiale. Iu takon organeve të rendit të bëjnë hetime mbi ata që sulmuan për të zbardhur rastin por në anën tjetër edhe për t’u vlerësuar situata e sigurisë se çka duhet të ndërmarrin në vijim në mënyrë që ta pamundësojmë sulme të tilla.
Nuk janë sulme mbi të mirat materiale, as mbi qytetarët, por sulme mbi policet që kanë pasur për qëllim të vrasin. por fatmirësisht nuk kemi pasur dëme në njerëz dhe asnjë pjesëtar i PK-së nuk është lënduar. Organet e rendit do të bëjnë hetime për hapat tonë përpara”, tha ai. Ndërsa u shpreh më tutje se nuk do të ketë asnjë gram tolerancë nga Qeveria e Kosovës, për këtë rast.
Discussion about this post