Një seri sulmesh ajrore nga Rusia tronditën Kievin të premten në mëngjes, duke shkaktuar dëme të shumta në disa zona të kryeqytetit ukrainas.
“Si pasojë e këtyre sulmeve, u dëmtuan pjesërisht fasada e jashtme dhe disa hapësira brenda godinës së ambasadës së Republikës së Shqipërisë në Kiev dhe ambasadave të pesë vendeve të tjera, duke vënë në rrezik jetën e personelit diplomatik. Raportohet vetëm për dëme materiale”, njoftoi Ministria e Jashtme.
Ministria për Evropën dhe Punët e Jashtme dënon “pa asnjë mëdyshje këto sulme brutale”.
Pamje të ambienteve të brendshme të ambasadës së RSH në Kiev, publikuar nga Ministria e Jashtme
“Ky akt i pakuptimtë është një sulm ndaj themeleve të vetë diplomacisë ndërkombëtare. Mbrojtja e personelit diplomatik dhe paprekshmëria e misioneve janë parime të panegociueshme që duhet të respektohen dhe të zbatohen plotësisht”, thuhet më tej në njoftimin e ministrisë.
Lexo edhe:
Jo vetëm ajo shqiptare, cilat janë 5 ambasadat e tjera të bombarduara nga Rusia
Discussion about this post