Moldavia ka shpallur gjendjen e jashtëzakonshme për 60 ditë. Parlamenti Moldav miratoi gjendjen e jashtëzakonshme 60-ditore për të gjithë vendin në përgjigje të pushtimit rus të Ukrainës, pas një kërkese të qeverisë.
Moldavia tani do të ketë një sistem të veçantë për hyrjen dhe daljen nga vendi, masa të veçanta që do të rregullojnë hapësirën ajrore dhe procedurat për menaxhimin e flukseve të migracionit. Sakaq, mbrojtja e refugjatëve nga Ukraina do të jenë në fuqi, tha kryeministrja Natalia Gavrilita.
Moldavia ka kapacitetin për të ndihmuar dhjetëra mijëra njerëz, tha presidentja Maia Sandu, duke shtuar se ka përgatitur skenarë të tjerë të ndryshëm në rast se numri i refugjatëve është më i madh. Në orët e para të së enjtes, pothuajse 2,000 qytetarë ukrainas hynë në Moldavi.
Discussion about this post