Sulmi i pandalshëm, Zelenskyy thirrje Putin: Le të flasim për të ndaluar luftën

Presidenti ukrainas, Volodymyr Zelensky, tha se ishte i gatshëm për një dialog të drejtpërdrejtë me atë rus, Vladimir Putin.

“Ejani të flasim për këtë, është e nevojshme të ndalet lufta”, tha ai në një intervistë për CNN.

Sakaq theksojmë se sot ka nisur raundi i dytë i bisedimeve ndërmjet Rusisë dhe Ukrainës. Kështu ka bërë të ditur në profilin e tij në Twitter këshilltari i presidentit ukrainas, Mikhailo Podoliak.

“Ne po fillojmë të flasim me përfaqësuesit rusë – shkruan fotoja e publikuar nga takimi -. Në rendin e ditës është një armëpushim i menjëhershëm, armëpushim dhe korridore humanitare për largimin e civilëve nga fshatrat dhe qytetet e shkatërruara ose të bombarduara vazhdimisht”.

Delegacionet shihen teksa shtrëngojnë duart me njëri-tjetrin. Qëllimi minimal i Kievit është të krijojë korridore humanitare – rrugë për civilët për t’i shpëtuar zonave të goditura nga konflikti, sipas negociatorit ukrainas Davyd Arakhamia, i cili më herët postoi një përditësim të shkurtër në Facebook, para helikopterit me të cilin u nis drejt Bjellorusisë.

Ndërkohë, Rusia sipas ministrit të Jashtëm Sergei Lavrov ka tre kërkesa të qarta:

Ukraina duhet të “çmilitarizohet” dhe “denazizohet” (të bëhet neutrale)

Krimea – gadishulli jugor i Ukrainës i aneksuar nga Moska në 2014 – të njihet nga Kievi si pjesë e Rusisë

Dy rajone separatiste në Ukrainën lindore – Republika Popullore e Donetskut dhe Republika Popullore e Luhanskut – të njihen zyrtarisht