Ditën e sotme në Asamblenë e Partisë Socialiste, kryeministri Edi Rama hodhi një sërë akuzash ndaj SPAK për mosveprim ndaj gjykatësve të korruptuar dhe mbrojti Ardian Dvoranin duke thënë se është sulmuar pas deklaratave të Ilir Metës. Ish-ministri Ylli Manjani, në një intervistë për mediat komentoi shantazhet e Ramës ndaj SPAK dhe mbrojtjen ndaj Dvoranit. Manjani tha se shantazhi i Ramës është një lajthitje idiote që tregon një sëkëlldi politike që e ka kapluar kryeministrin kohët e fundit.
“Ka kohë që ka dalë nga vetja, ka hequr dorë nga qëndrimi estetik në publik. I është kthyer rutinës. Përballë s’ka Bashën e Alibeajn, por një kundërshtar serioz politik. Nëse PD bën një konventë, PS bën konventë paralele. Mbledh kryesinë PD, e mbledh tjetri. E gjitha tregon një prishje rehatie ndaj kryeministrit” – tha Manjani.
Manjani gjithashtu tha se Rama nuk ka asnjë argument përballë akuzave ndaj opozitës dhe liderit të PD Sali Berisha.
“Rama s’ka argumente për SPAK. Pozicion i palogjikshëm, as politik. Ka një mision në këto qëndrime, për të shmangur vëmendjen nga çështjet kryesore. Rama të sqarojë çështjen e rritjes së çmimeve për qytetarët shqiptarë. Nëse Rama ka prova t’i thotë dhe t’i çojë në SPAK, jo të thotë ai është kundërshtari im dhe hajde ta fusim në burg” – tha Manjani.
Discussion about this post