Skandali për sulmin kirbenetik ndaj faqeve online qeveritare vazhdon. Nga të dhënat e fundit mendohet se një grup i vetëquajtur Homeland Justice (Drejtësi për Atdheun) mund të ketë qenë pas hakerimit të e-albania. Për ta vërtetuar këtë, ky grup ka publikuar një folder brenda të cilit ka materiale të institucioneve më të rëndësishme të shtetit shqiptar.
Justifikimi i sulmit të tyre shpjegohet nën parullën: “Pse duhet qe të shpenzohen taksat tona për terroristët e Durrësit”, duke iu referuar ish-muxhahedinëve iranianë (MEK) që janë strehuar në Manzë të Durrësit.
Qeveria u shpreh pak ditë me parë se sulmi kibernetik është organizuar nga një shtet dhe janë dy shtetet për të cilat dyshohet. Prej disa ditësh, sistemet online në vend janë sulmuar nga hakerat. Sipas Agjencisë Kombëtare të Informacionit, sulmi i sofistikuar drejt sistemit të informacionit, vjen nga jashtë Shqipërisë.
Discussion about this post