Kryeministri Edi Rama është duke zhvilluar një bashkëbisedim me qytetarët në Facebook, sikurse kishte paralajmëruar më herët. Pyetja e parë kishte të bënte pikërisht me sulmin kibernetik nga Irani i cili shenjestroi faqet online dhe platformat qeveritare.
Rama tha se sulmet kanë pasur qëllim të shkatërrojnë çdo sistem, ndërsa sipas tij dëmet e këtij sulmi janë të lehta në krahasim me shkallën e agresivitetit.
Pyetje: Sa e përgatitur është Shqipëria është të përballojë një sulm tjetër kibernetik? Sa të sigurta janë të dhënat tona?
Rama: Ky është një shqetësim i ri sepse ne kemi sulme të vazhdueshme prej shumë vitesh. Gjithë këto sulme të regjistruara nga institucioni që koordinon të gjithë projektin e revolucionin digjital kanë qenë sulme të pasuksesshme përgjithësisht. Ndërkohë që ky është një agresion i mirëfilltë luftarak në botën e internetit dhe gjithë sistemeve digjitale. Agresioni kishte një qëllim shumë të qartë, zhduken të gjitha të dhënave dhe shkatërrimin e të gjitha sistemeve për të lënë një tokë të djegur nga mbrapa. Ky është konkluzioni i ekspertëve. Sulmi nuk e ka arritur qëllimin. Dëmet janë shumë më të lehta se sa shkalla e agresivitetit. Sistemet janë kthyer në punë. Kjo luftë vazhdon.
Shqipëria ra pre e dy sulmeve të njëpasnjëshme kibernetike. Nga sulmi i parë i 15 korrikut u hakuan faqet online të qeverisë dhe platforma online e-Albania, ndërsa më 9 shtator pre e sulmit ra sistemi TIM në të gjitha pikat kufitare të Shqipërisë.
Discussion about this post