Sulmi kirbenetik/ NATO “shpëtoi”  e-Albanian, ja cilat shërbime janë ende jashtë funksioni

Pas katër ditësh në duart e hakerave, portali e-Albanai është rikthyer sot në funksion, edhe pse jo plotësisht. Lajmin e bëri të ditur vetë AKSHI, ndërsa ka treguar se po punohet që të vihen në përdorim të gjitha  shërbimet. Sipas të dhënave, është në funksion për 1118, nga 1225 shërbimet elektronike që ofron për qytetarët.

Kryeministri Edi Rama ka njoftuar se  e-Albania u rikthye në funksion edhe fal ndërhyrjes së ekspertëve të NATO-s, të cilët punuan sëbashku me grupin e ekspertëve të AKSHI-t. Ndër të tjera e ka cilësuar si një sulm të sofistikuar nga një shtet jo mik me Shqipërinë dhe jo nga një bandë digjitale.

“Është sulm i organizuar nga një shtet, jo çështje hakerash sado të zotë të jenë. Është një shtet mbrapa këtij sulmi. Nuk jemi ende të identifikojmë shtetin, 2 janë dyshimet, e them këtë për të thënë që sulmi është jashtëzakonisht kompleks dhe agresiv. Jemi në kushtet e një sulmi kibernetik të super sofistikuar që ka përfshirë në procesin e mbrojtjes dhe të kundërsulmit NATO-n”, tha Rama.

Shërbimet që mund të merren aktualisht nga e-Albania

Në një njoftim publik AKSHI bënë me dije se, tashmë mund të gjenerohen sërish nga platforma digjitale dokumentet me vulë elektronike

– certifikatat e gjendjes civile, vërtetimet tatimore,

– ekstraktet dhe certifikata e regjistrimit të biznesit, vërtetimet e papunësisë,

– certifikata e gjendjes gjyqësore (dëshmia e penalitetit).

-Do të mund të aplikohet për regjistrimin në klasën e parë dhe të dhjetë të nxënësve  si dhe për shërbimet e regjistrimit të biznesit, etj.

Ndërsa  mbetën ende të paaksesueshme shërbimet si:

-Shërbimet e regjistrimeve dhe të ndryshimeve të pronarëve përfitues;

-Vërtetimin e ndihmës ekononomike, pagesës së paaftësisë së kufizuar dhe kërkesës për të përfituar nga programet e strehimit social;

-Për shërbimet e rezervimit të takimit për kryerje konsulte e ekzaminimi mjekësor;

-Për listën e notave dhe vërtetimin e diplomës për studentet që kanë ndjekur Universitetin e Tiranës;

-Për shërbimet konsullore, për shqiptarët jashtë vendit;

-Shërbimet e certifikatave të regjistrimit të objekteve të pronësisë industriale;

-Njehsimin e diplomave dhe certifikatave të lëshuara nga institucionet e huaja;

-Si dhe për kryerjen e pagesave të ujit dhe energjisë elektrike.