Dalin të tjera detaje nga sulmi i frikshëm që tronditi sot Berlinin, ku një makinë përplasi një turmë njerëzish. Nga sulmi mbeti i vrarë një person dhe u plagosen 30 të tjerë. Ndërkaq, flitet se autori la një letër rrëfimi në makinën që përplasi turmën. Por ministrja e Brendshme e shtetit, Iris Spranger, tha se ajo që përflitej si letër rrëfimi ishin disa pankarta që paralajmëronin ngjarjen.
Gazeta gjermane Bild duke cituar një hetues tha se ky nuk ishte aspak një aksident por një vrasës i ftohtë. Menjëherë pas ngjarjes policia e Berlinit arriti të arrestonte shoferin 29-vjeçar me shtetësi gjermano-armene.
Sipas informacioneve të BILD, gjermano-armeni është i njohur për policinë më herët, pasi ishte arrestuar për krime ndaj pronës. Pas përplasjes, shoferi ka tentuar të ikë, por kalimtarët e kanë mbajtur dhe e kanë dorëzuar në polici.
Një dëshmitar okular për BILD: “Papritmas mbërriti policia. Shoferi ishte i rrethuar nga një turmë policësh. Ai doli nga një rrugë anësore me oficerët që e mbanin dhe iu dha kujdesi mjekësor fillimisht. Pas kësaj e morën me vete. Ai dukej i palëvizshëm. U arrestua pa mëdyshje”.
Polica po heton, nëse bëhet fjalë për aksident apo për një veprim të qëllimshëm. Në afërsi të cepit të një rruge qendrore, automjeti ka hyrë me shpejtësi mes grupit të njerëzve e ka vazhduar të ecë në drejtimin e vitrinave të një dyqani, përpara të cilës dhe ndaloi në fund.
Discussion about this post