Ministri i Brendshëm i Serbisë, Ivica Daçiç, tha se një polic është vrarë mbrëmë në qytetin Loznica të Serbisë, ndërsa një tjetër është plagosur rëndë, raporton Nova.
Ai shtoi se forca të rënda policore janë vënë intensivisht në kërkim të autorit dhe se në vendin e ngjarjes policia gjeti pasaportën e të dyshuarit, të lëshuar nga institucionet e Kosovës në emër të Artan Hajzirit (1991).
“Sonte rreth orës 00:55 në Loznicë, gjatë kontrollit të automjeteve në pikën e kontrollit në Lipniqki Shor, policët e stacionit kufitar të Tërbushnicës kanë ndaluar një Mercedes me targa të Tutinës, në të cilin ndodheshin dy persona.
Kur ka dalë nga automjeti, një person ka qëlluar me pistoletë, duke e goditur policin Nikolla Kërsmanoviç (1990) në gjoks dhe policin Vjekoslav Iliç (1974) në shpatull, dhe pastaj ka ikur”, deklaroi Daçiç.
Bëhet e ditur se të dy policët u transportuan në spitalin e përgjithshëm të Loznicës.
Si autor i krimit akuzohet Artan Hajrizi, i cili sipas mediave serbe ishte nisur për të takuar një shok të tij në Loznicë dhe kur policia kufitare i kërkoi t’i tregonte çantë, ai hapi zjarr ndaj tyre.
Policia serbe ka nisur kërkimet për kapjen e autorit, ku raportohet se në operacionet e kërkimit janë përfshirë dronë dhe helikopterë.
Discussion about this post