Të paktën 20 plumba janë shkrehur mbrëmë në drejtim të diskotekës “Venom NightClub”, e cila ndodhet në Çagllavicë të Prishtinës. Sipas mediave kosovare, raportohet se si pasojë e sulmit janë shkaktuar thyerje të xhamave të objektit, teksa e gjithë ngjarja ka ndodhur jashtë orarit të punës së diskotekës.
Burime të Gazetës Express bëjnë të ditur se sulmi ka ndodhur nga persona të panjohur, të cilët janë parë duke lëvizur me motoçikletë.
Në vendngjarje ka dal edhe Policia e Kosovës për ta trajtuar rastin, teksa nuk bëhet e ditur për arrestimin e ndonjë të dyshuari.
Lidhur me rastin nuk është deklaruar akoma Policia e Kosovës, gjithashtu nuk dihet motivi i sulmit.
Nga ana tjetër klubi i natës ka lajmëruar se aktiviteti do ë vijojë sipas planifikimeve, pavarësisht ngjarës.
Discussion about this post