Tre persona u vranë dhe një u plagos në Japoninë qendrore ditën e sotme, kur një burrë i paidentifikuar sulmoi me thikë dhe armë dhe më pas u ngujua në një ndërtesë, njoftuan mediat japoneze.
Nuk janë dhënë shumë detaje deri më tani në lidhje me ngjarjen e rëndë, ku një burrë me uniformë kamuflazhi theri një grua dhe hapi zjarr me një pushkë gjuetie në prefekturën Nagano të Japonisë qendrore, raportoi transmetuesi kombëtar NHK.
Dy policë u vranë gjatë sulmit, ndërsa një person tjetër u plagos, shtoi NHK. Për momentin nuk dihet nëse janë goditur me thikë apo qëlluar.
Krimi me armë është jashtëzakonisht i rrallë në Japoni, ku ka rregulla strikte për zotërimin e armëve dhe kushdo që dëshiron të zotërojë një armë duhet të kalojë një proces të rreptë, përpara se t’i jepet një leje për armë.
Discussion about this post