Kanë dalë pamjet nga ngjarja e ndodhur në Gllogjan të Deçanit, ku një autobus me nxënës është gjuajtur me armë.Numri i viktimave ka shkuar në 4, pasi persona të armatosur qëlluan me breshëri kallashnikovi drejt një autobusi me nxënës, duke lënë të vdekur shoferin, faturinon dhe dy nxënës. Nxënësit e që mbetën të vdekur janë Ledion Hamzaj dhe Gentiana Mustafaj.
Lidhur me këtë çështje ka folur, Zëvendësdrejtori i Policisë Rajonale të Pejës, Veton Elshani, i cili ka ka deklaruar se dyshimet e para bazuar në hetime, tregojnë se sulmuesi i autobusit mund të ketë qenë i vetëm. Numri dy i Policisë Rajonale të Pejës, përjashtoi mundësinë e ndonjë akti terrorist dhe tha se deri më tani këto janë vetëm aludime.
“Nuk mendohet e as bëhet fjalë për ndonjë akt terrorist. Bëhet fjalë për ngjarjen tronditëse, vrasje të trefishtë dhe një të plagosur në gjendje stabile në spital. Kemi angazhuar të gjitha njësitet elite, njësiti me qen, specialët dhe shumë shpejt bashkohet edhe Prishtina, që nga Drejtori i Përgjithshëm. Kaq mund të them”, tha Elshani në një prononcim për mediet. Sipas tij, deri më tani nuk dihen shkaqet kryesore që çuan autorin të ndërmarrë këtë veprim.
Discussion about this post