Partia Demokratike ka reaguar pas sulmit fizik që iu bë anëtarit të kryesisë Roland Bejko në momentin që ky i fundit po tentonte të futej në selinë blu.
PD akuzon Berishën si nxitës të dhunës dhe frymëzues së saj, ndërsa shton se Bejko u sulmua vetëm se mendon ndryshe nga Berisha dhe mbron interesat e demokratëve.
“Dhuna e mercenarëve të Sali Berishës ndaj anëtarit të Kryesisë qendrore të PD Roland Bejko, është fytyra e Sali Berishës, që frymëzon dhunë, ushtron dhunë dhe pengon një sekretar të PD të vijë në seli në një mbledhje pune. E papranueshme që dhunohet një demokrat i orëve të para, një demokrat i ndershëm me kontribute 30-vjeçare në këtë parti. Roland Bejko u dhunua sot vetëm se mendon ndryshe nga Sali Berisha, vetëm se nuk i shërben interesit të Sali Berishës, vetëm se ka vendosur ti shërbejë interesit të demokratëve dhe PD”, njofton PD.
Discussion about this post