Kreu i Partisë Demokratike, Lulzim Basha ka folur sërish për protestën e thirrur nga ish-kryeministri Sali Berisha në selinë blu, duke hedhur akuza të forta se Berisha donte vëllavrasje.
Duke folur për News 24, Basha i kërkoi falje demokratëve për atë që ndodhi më 8 janar dhe shtoi se e gjitha është orkestruar nga ish-kryeministri. Basha tha se i ndihet falënderues atyre demokratëve që u thërritën në protestë për fasadë, e kur u bënë dëshmitar të dhunës, atëherë u distancuan.
“Mesazhi i parë që kam ndaj demokratëve është që është koha të jemi afër njëri-tjetrit, të themi të vërtetat siç janë bazuar në fakte. Gënjeshtra i ka këmbët e shkurtra. Berisha s’kishte ardhur thjesht me qëllimin për të shkaktuar vëllavrasje. Kjo tentativë ndryshoi edhe ndaj qëndrimit që mbajtën demokratët. I falenderoj për braktisjen reale që i bënë Berishës për të mbuluar skandalin e madh për t’u mbrojtur nga non grata amerikane. I falenderoj ata që u thërritën si fasadë dhe panë që kriminelët nisën dhunën, u distancuan. I kërkoj ndjesë të gjithë shqiptarëve, uroj që ato pamje të mos mbesin gjatë në kujtesë. Ajo s’është PD, është dhuna e një njeriu që është në dëshpërim, e që këtë ankth do t’ia faturojë shqiptarëve. Është kohët të rimëkëmbemi nga rrënojat e 8 janarit”, tha Basha.
Discussion about this post