Deputeti i AAK-së, ish-kryeministri Ramush Haradinaj, ka deklaruar se rendi dhe ligji është në interes të secilit qytetar dhe dy shteteve, Kosovës e Serbisë.
Sipas ish-komandantit të UCK-së, Shtetet e Bashkuara të Amerikës, Mbretëria e Bashkuar dhe të gjitha shtetet e NATO-s,ndërhynë me 1999 në Kosovë për të ndalur gjenocidin dhe që prej asaj kohe, këto shtete janë përkushtuar për një rajon të qetë dhe të sigurt.
Prandaj, shprehet se, krimi i organizuar nuk ka përkatësi as politike e as etnike dhe na rrezikon të gjithëve.
“Është në interes dhe obligim i të dy qeverive, të Kosovës dhe të Serbisë, që të luftojnë krimin e organizuar ndërkufitar. Aktet e tilla nuk duhet të tolerohen”- shkruan Haradinaj në faqen e tij në facebook duke u referuar sulmeve që ndodhën ditëve të kaluara në drejtim të Policisë së Kosovës në veri të vendit.
Discussion about this post