“Ka xhama të thyer gjithandej. Ka njerëz që kërkojnë të gjejnë strehim. Disa pjesë të spitalit janë në flakë. Nuk e di nëse është vetëm urgjenca… Patjetër që ka zjarr në sallat e operacionit… Një pjesë e çatisë është shembur”.
Me këto fjalë kirurgu Ghassan Abu Sita përshkruan për BBC kaosin që mbizotëroi në spitalin Al Ahli në Gaza , menjëherë pas shpërthimit që shkaktoi qindra të vdekur. Dhe konfirmon atë që thonë palestinezët që janë bllokuar në Gaza: “Nuk ka vend për t’u fshehur nga bombat”.
Edhe ministri palestinez i Shëndetësisë e përshkruan bombardimin e spitalit si skena tmerri të papërshkrueshëm.
“Ekuipazhet e ambulancës po u heqin ende gjymtyrët njerëzore viktimave që janë shpërndarë në spital”, duke theksuar se “numri i viktimave dhe plagëve të tyre tejkalon kapacitetin e ekipeve mjekësore dhe ambulancave. Mjekët po kryejnë operacione në terren dhe në korridore, shumë prej tyre pa anestezi dhe një numër i madh i të lënduarve janë ende në pritje të operacioneve ndërsa ekipet mjekësore përpiqen t’u shpëtojnë jetën në terapi intensive. ‘
Dr. Al Kudra , në një deklaratë herët në mëngjes, tha se deri më tani numri tragjik “ka shkuar në 212 të vdekur, duke përfshirë 36 gra, 61 fëmijë dhe 16 të moshuar. Për më tepër, ka 1,400 të plagosur, duke përfshirë 400 fëmijë dhe 270 gra, për shkak të sulmeve brutale të qytetit të Gazës deri më tani”.
Me zemërimin që ka ndezur një vërshim protestash në qytetet e Lindjes së Mesme, si dhe jashtë ambasadave izraelite në vendet e treta, zyrtarët e Forcave të Armatosura izraelite këmbëngulin se goditja “nuk erdhi prej tyre”, por nga një grup tjetër, Xhihadi Islamik Palestinez dhe ata premtojnë se do ta provojnë atë.
Discussion about this post