Sulmi ndaj “TCH”, Karamuço: Godina u vëzhgua për dy javë

Eksperti i kriminalistikës Ervin Karamuço ka folur lidhur me sulmin terrorist të bërë në godinat e Top Channel ditën e hënë.

Ai tha se godina e televizionit është vëzhguar për dy javë përpara se të kryhej sulmi, teksa theksoi se e gjithë ngjarja ka qenë një plan i mirëfilltë.

“Kanë një tjetër nëngrup të tyrin që bën rikonicjon. Përshembull godina e Top Channel, me aq sa shikoja unë e atë që analizonim, duhet të jetë marrë nën vëzhgm për dy javë nga persona të caktuar për të parë sa roje janë. Është bërë një plan i mirëfilltë. Këta janë gati në çdo moment, presin vetëm një porosi dhe sa është çmimi i saj. Paguhet me këste ose jo, varet si e vendosin, janë aktivë. Këta mund të paguhen qoftë për një individ, qoftë për një institucion provat, por edhe nesër për një institucion shtetëror”, tha eksperti për “Top Talk”.

Kujtojmë se sulmi ndodhi më 27 Mars ku tre persona qëlluan me breshëri plumbash në drejtim të televizionit “Top Channel”, si pasojë e plumbave fatkeqësisht mbeti i vdekur roja, Pal Kola.