Deputeti i Partisë demokratike, Ervin Salianji, e ka cilësuar sulmin me armë kundër Top Channel si një sulm terrorist jo vetëm ndaj një TV, por edhe ndaj fjalës së lirë dhe lirisë së shprehjes.
Postimi:
Sulmi terrorrist ndaj Top Channel është sulm ndaj fjalës së lirë dhe lirisë së shprehjes!
Akti terrorrist kërkon reagimin dhe përgjigjen e menjëhershme të institucioneve ligjzbatuese. Institucionet e Sigurisë duhet të kapin autorët dhe të zbardhin ngjarjen në kohën më të shpejtë! Drejtësia të japë dënimin më të ashpër!
Guximi i grupeve kriminale dhe ordinere për të goditur me plumba Top Channel kalon çdo imagjinatë për nivelin e sigurisë publike në vend dhe është shqetësues për çdo qytetar!
Qeveria, SHISH dhe organet e drejtësisë duhet të kapin dhe nxjerrin para përgjegjësisë autorët nē kohën më të shpejtē duke i shtypur me forcën më tē madhe të ligjit!
Koha që institucionet të flasin me akte jo me fjalë! Ky është tejkalim i çdo kufiri!
Solidaritet për Top Channel dhe ngushëllime familjarëve të punonjësit të sigurisë!
Discussion about this post