Të paktën shtatë persona kanë vdekur dhe nëntë të tjerë u plagosën si pasojë e bombardimeve ruse në Ukrainë. Ndërsa BBC gjithashtu raporton për 19 të zhdukur. Ndërkohë në një reagim ministria e Jashtme e Ukrainës është shprehur se bota mund dhe duhet të ndalë Putinin.
“Putin sulmoi, por askush nuk po ikën. Po luftojmë, do mbrohemi e do të fitojmë. Bota mund dhe duhet ta ndalë Putin”, thuhet në reagimin e ministrisë së Jashtme ukrainase.
Presidenti rus Vladimir Putin njoftoi nisjen e operacionit ushtarak në orën 5:55 të mëngjesit me orën e Moskës dhe vetëm disa minuta më vonë, u lëshuan raketat e para. Në kryeqytetin e Kievit, një sirenë emergjente është ndezur dhe fotografitë tregojnë makina që bllokojnë autostradat ndërsa njerëzit largohen nga qyteti.
Discussion about this post