Në ditën e shtatë të hyrjes në fuqi të reciprocitetit të targave të mjeteve nga Serbia, situata në veri të Kosovës vijon të mbetet e tensionuar.
Në orët e para të mëngjesit të sotëm, Policia e Kosovës ka kaluar me automjete në qytetin e Zubin Potokut rrugës për në Bërnjak.
Ditën e djeshme, qytetarët serbë qe po protestojnë në kufi, dogjën qendrën e regjistrimit të makinave në Zubin Potok. Edhe në Zveçan u hodhën granata dore, duke shkaktuar tym në ajër, fatmirësisht pa shkaktuar persona të lënduar.
Përveç kësaj, ushtria serbe ka fluturuar me aeroplanë “MIG” mbi hapësirën ajrore afër kufirit me Kosovën.
Gjatë ditës së sotme kryeministri i Kosovës Albin Kurti, ka ftuar në takim liderët e partive politike për të diskutuar për situatën në veriun e vendit. Pres gjashtë ditësh situata ka qenë e tensionuar në pikat kufitare Bërnjak dhe Jarinjë, ku pasi qeveria e Kosovës vendosi reciprocitetin për targat serbe, këta të fundit në shenjë proteste bllokuan rrugët në veri.
