Kryeministri Edi Rama dënon dhunën vdekjeprurëse. Me anë të një postimi në platformën X, kreu i qeverisë shqiptare shprehet i tronditur nga sulmi ku deri tani raportohet për 15 viktima.
Rama shpreh ngushëllime për familjet e viktimave, ndërsa thotë se Shqipëria qëndron pranë miqve çekë.
“Sulmi i tmerrshëm në Universitetin Charles në Pragë na ka tronditur të gjithëve. Ngushëllimet e mia shkojnë për familjet e viktimave. Shqipëria dënon ashpër dhunën vdekjeprurëse dhe qëndron pranë miqve të saj çekë në këtë kohë të vështirë”, shkruan Rama.
Më herët sulmin e dënoi edhe ministri i Jashtëm, Igli Hasani, i cili konfirmoi se nuk ka shqiptarë të lënduar.
Discussion about this post