Presidenti i Turqisë, Recep Tayyip Erdogan, ka ftuar “të gjithë njerëzimin që të ndërmarrë veprime për të ndaluar brutalitetin e paprecendentë në Gaza”.
Erdogan ka reaguar në rrjetet sociale pas sulmit ajror izraelit në Spitalin Baptist Al-Ahli në Gaza.
“Goditja e spitalit ku ndodhen gra, fëmijë dhe civilë të pafajshëm është shembulli i fundit i sulmeve të Izraelit pa vlera themelore njerëzore. Ftoj të gjithë njerëzimin të ndërmarrë veprime për të ndaluar brutalitetin e paprecedentë në Gaza”, shkuan ai.
Mbi 500 persona kanë humbur jetën në një sulm ajror izraelit në Spitalin Baptist Al-Ahli në Gaza.
Në një zhvillim paralel, Këshilli i Sigurisë Kombëtare i Izraelit u bëri thirrje të gjithë izraelitëve që të largohen menjëherë nga Turqia, duke ngritur paralajmërimet e udhëtimit në nivelin më të lartë të mundshëm.
Discussion about this post