Top Channel është përballur me një situatë të rëndë mesnatën e së dielës, ku është qëlluar me armë zjarri në drejtim të godinës nga persona ende të paidentifikuar.
Plumbat e kallashnikovit në drejtim të godinës së Top Channel, vranë Pal Kolën, 60-vjeçarin, i cili banonte në një shtëpi të vogël në Sharrë, në kushte aspak të mira.
Familjarët e Pal Kolës kanë treguar jashtë kamerave se ai ecte disa kilometra në këmbë për të shkuar në punë. Pal Kola jetonte në zonën e Sharrës, nga ku përditë nisej me këmbë drejt Kasharit, ku ndodhet edhe godina e Top Channel.
Familjarët bëjnë me dije se i ndjeri kishte nisur punë prej 6-muajsh në Top Channel, çdo natë ai shkonte në punë, madje edhe për festa. Ai ishte çdo ditë në sfidë për të siguruar bukën e gojës për dy vajzat dhe djalin e tij.
Ky i fundit punon në Itali. Viktima ishte njeri shumë i qetë dhe nuk krijonte konflikte.
Djali i jeton në Itali, ku kishte ikur për të punuar dhe për të siguruar një jetë më të mirë. Të tre fëmijët janëtë pa martuar. Njëra nga vajzat është e divorcuar dhe ka një djalë. Tani jeton tek familja e vet. Pal Kola ishte me origjinë nga Puka dhe jetonte në Sharrë mbi 25 vjet.
Discussion about this post