Kreu i PD-së, Sali Berisha komentoi tenderat e shpërdorura nga qeveria “Rama”, për të ndërtuar një “shtet online” të dobët. Sipas Berishës, sulmi ishte përgjegjësi e Ramës pasi shkatërroi grupin që merrej me mbrojtjen kibernetike, të cilët i quajti “spiunë dixhitalë”.
Më tje, ai i bëri thirrje NATO-s dhe aleatëve të ndihmojnë Shqipërinë të kalojë këtë agresion.
“Shtoj këtu se për këto akte të shtrira në vite, në Shqipëri nuk ka asnjë të dënuar, asnjë të burgosur, ndonëse përbënin dhunim të rëndë të ligjeve të vendit. Dënoj me forcën më të madhe tenderat korruptive të ndërtimit dhe mbrojtje së këtyre sistemeve, përpjekje për të ndërhyrë sistemet në Kosovë, por mbrojtja e tyre ka qenë e shkëlqyer se s’ka lejuar penetrimin e këtyre në sistem. Sepse 200 mln euro të shpenzuara në Shqipëri përfunduan në xhepat e gjeliqeve, baxhanakëve me shokë dhe s’kanë përfunduar te teknologjia mbrojtëse dixhitale.
I bëj thirrje NATO-s, SHBA-ve, më një ekip të gjithëanshëm me specialistë të fushave të ndryshme të ndihmojnë Shqipërinë për të kaluar këtë agresion. Dënoj gjithashtu përdorimin e këtyre sistemeve ndaj Kosovës, ku është një agresion ndaj dy vendeve. Mbrojtja, Shqipëria ka nevojë për një ndërhyrje urgjente nga partnerët tani. Irani dhe Korea e Veriut sulmojnë shumë sistemet, por ekzistojnë mbrojtja kibernetike të cilën Edi Rama e shkatërroi sa erdhi në pushtet. I quajti spiunë dixhital dhe i largoi menjëherë. Duhet një ndërhyrje emergjente nga partnerët tanë. Irani nuk do të mund të intimidojë Shqipërinë.”-tha Berisha.
Discussion about this post