Pas sulmit kibernetik nga Irani ku sistemi TIMS në të gjitha pikat kufitare doli jashtë funksionit reagon kryeministri Edi Rama. Sipas Ramës, hakerat nuk ia kanë arritur qëllimin me zhdukje apo rrjedhje serioze të dhënash.
Më tej, Rama thekson se sistemet TIMS të pikave kufitare janë në punë qysh prej mëngjesit të sotëm.
“Sistemet e pikave kufitare janë në punë qysh prej mëngjesit të sotëm.
Përtej ndjesisë së rëndë që krijon penetrimi në këto sisteme, njësoj si kur të hyjnë në shtëpi e të vjedhin,fakti është se agresioni nuk ia ka arritur asfare qëllimit,asnjë zhudkje a rrjedhje serioze të dhënash!
Dhe përtej cinizmit e përqeshjeve tipike të klubit të madh të thashethemeve digjitale, ushqyer nga ulëritës profesionistë dhe kinse strategë marrëdhëniesh ndërkombëtare, Shqipëria teknikisht ka rezistuar më së miri, ndërsa politikisht ka bërë një investim tejet të dobishëm!“-shkruan Rama.
Discussion about this post