Presidentja e Kosovës, Vjosa Osmani ka telefonuar Presidentin e Shqipërisë bajram Begaj në lidhje me sulmin e ndodhur në Gramsh. Në një postim të bërë në rrjetet sociale, Osmani bën me dije se i ka ofruar atij mbështetje lidhur me këtë sulm. Gjithashtu, më tej Osmani ka theksuar se autorët e sulmit duhet të mbajnë përgjegjësi.
“Kam folur me Presidentin Bajram Begaj, për sulmin e fundit ndaj ushtarëve shqiptarë në fabrikën e Gramshit. Të lënduarve u urojmë shërim të shpejtë. Autorët e këtij sulmi duhet të mbajnë përgjegjësi. Institucionet tona janë të gatshme të ofrojnë çdo mbështetje të nevojshme.”
Nga ana tjetër, kujtojmë se sulmi që la të lënduar dy ushtarë shqiptarë nisi ditën e djeshme rreth orës 17:40. Ka qenë roja i Uzinës së armëve në Gramsh, ai që ka vënë re i pari lëvizjet e dyshimta rreth objektit. Ai ka njoftuar përgjegjësin e rojeve se një person ka hyrë brenda territorit dhe ka tentuar të bëjë foto. Si përgjegjësi ashtu edhe efektivi që ruan objektin kanë zbatuar rregulloren dhe i kanë bërë thirrje personit që po bënë foto që të ndalonte.
Ata i kanë bërë thirrje, por, personi në fjalë është kundërpërgjigjur me spraj neoparalizues. Pavarësisht sulmit, ushtarakët Albi Bici dhe Ardian Xhaka kanë arritur që ta ndalojnë 24-vjeçarin Mikhail Zorin. Ushtarët shqiptarë nuk janë ndalur me kaq. Ata kanë parë mjetin “Chevrolet”, Brenda të cilit ndodhej rusja Svetlana Timofoeva 33 vjeçe dhe ukrainasi Fiodor Mihailoviç, 25 vjec. Dy ushtarakët e plagosur janë dërguar në spital e ndodhen jashtë rrezikut për jetën.
I spoke with President @BajramBegajAL about the recent attack on Albanian soldiers at Gramsh factory.
Wish a speedy recovery to the injured. The perpetrators of this attack must be held accountable.
Our institutions stand ready to provide any necessary support.🇽🇰🇦🇱
— Vjosa Osmani (@VjosaOsmaniPRKS) August 21, 2022
Discussion about this post