Deputeti Gent Strazimiri me anë të një postimi në rrjetet sociale, shkruan se të gjithë dënojnë sulmin ndaj Policisë së Kosovës dhe se vetëm Edi Rama flet me gjuhë ndryshe.
“Vetëm Kryeministri i Shqipërisë flet për “tragjedi” ku humbi jetën një efektiv i policisë së Kosovës. Me demek si të ketë qenë “fatkeqësi natyrore”.
Vetëm për Kryeministrin e Shqipërisë sot nuk ka patur SULM KUNDËR POLICISË SË KOSOVËS, kësisoj dhe asgjë për t’u dënuar. Tradhtia ka emër, dhe jo domosdoshmërisht brirë”, shkruan Strazimiri.
Kujtojmë se në një sulm ndaj Policisë së Kosovës, 1 efektiv u vra, ndërsa një tjetër u plagos. Tre serbë u vranë, gjithashtu.
Discussion about this post