Katër shqiptarë janë sulmuar fizikisht në sheshin “Car Llazar” në veri të Mitrovicës. Informacionin e bëri me dije Policia e Kosovës. Sipas raportit, autorë të ngjarjes që ndodhi dje rreth orës 16:40 ishin persona të panjohur.
Për shkak të plagëve të marra, dy nga katër personat e sulmuar kërkuan ndihmë mjekësore në pjesën jugore të qytetit.
Sipas këtij raportimi, njëri prej tyre ka pësuar frakturë në hundë, ndërsa tjetri ka pësuar lëndim në këmbë.
“Katër viktimat meshkuj kosovar kanë raportuar se janë sulmuar fizikisht nga persona të panjohur. Dy nga viktimat kanë pranuar trajtim mjekësor”, njofton policia.
Rasti është duke u hetuar nga njësitet kompetente policore.
Discussion about this post