Sulmohet konsullata franceze në Greqi, persona të maskuar gjuajtën ndërtesën me shishe me bojë të kuqe

Një sulm me bojëra dhe fikse zjarri ka ndodhur në konsullatën franceze në Patras. Mediat e huaja raportojnë se persona me kapuç kanë sulmuar ndërtesën e konsullatës dhe më pas kanë gjuajtur me shishe forcat e policisë.

Sipas policisë, anëtarët e grupit prej rreth 15 personash, të veshur me kapuç dhe me doreza në duar, fillimisht kanë përdorur fikse zjarri për të krijuar një perde pluhuri të thatë.

Më pas, ata kanë hedhur shtatë shishe qelqi, në të cilat ka pasur bojë të kuqe, duke dëmtuar kështu fasadën e objektit, ndërsa dëme janë shkaktuar edhe në një makinë pasagjerësh e cila ka qenë e parkuar pranë objektit.