Mediat në Kosovë raportojnë se ka pasur të shtëna me armë zjarri në drejtim të një autobusi me nxënës. Ngjarja e rëndë ka ndodhur rreth ores 19:00 në fshatin Gllogjan të Deçanit, ku raportohet se ka edhe viktima.
Siç raportojnë mediat kosovare, nga të shtënat me armë kanë humbur jetën tre persona, shoferi i autobusit, i cili ka vdekur në vend, ndërsa dy persona të tjerë, që mendohet se janë nxënës nderruan jetë me pas. Emrat e viktimave sipas të dhënave paraprake janë shoferi Gani Gjokaj dhe nxënësit Ledjon Hamazi e Ledjana Mustafaj.
Ndërkohë mësohet se kanë mbetur të plagosur dy nxënës të tjerë.
Forcat e policisë së Kosovës kanë shkuar në vendin e ngjarjes dhe po hetojnë mbi rastin e rëndë që ka tronditur shtetin fqinj.
Discussion about this post