Mediat kosovare njoftojnë se policia e Kosovës që patrullon në liqenin e Ujmanit në Zubin Patok, është sulmuar me armë zjarri. Mësohet se ngjarja ka ndodhur rreth orës rreth orës 11:25, kur policia ka qenë duke vendosur një varkë patrulluese në Liqenin e Ujmanit.
“Kanë qenë afërsisht 10 të shtëna me armë zjarri. Të shtënat kanë qenë të njëpasnjëshme, nga pjesa tjetër e liqenit dhe kanë goditur afër barkës së policisë. Nga këto të shtëna nuk ka persona të lënduar”, thuhet në njoftimin e policisë.
Në asistencë të njësisë policore ka shkuar Njësia e Ndërhyrjes së Shpejtë e Policisë Kufitare. Policia po vazhdon të vëzhgojë terrenin dhe ta trajtojë rastin. Policia e Kosovës mbetet e përkushtuar në ofrimin e sigurisë dhe luftimin e kriminalitetit e me theks të veçantë të kontrabandës në atë zonë.
Discussion about this post