Sulmohet presidenti shqiptar i Federatës së Futbollit të Maqedonisë së Veriut

Presidenti i Federatës së futbollit të Maqedonisë së Veriut, Muamed Sejdini është sulmuar nga persona të panjohur pasditen e së premtes.

Gjatë daljes nga stacioni policor ku denoncoi incidentin, Sejdini tha se tre persona i janë afruar dhe e kanë sulmuar teksa ka qenë duke dalë nga një lokal.

“Për momentin unë nuk mund ta dij se kush e ka kryer sulmin. Isha në restorantin ballkanika dhe në momentin që dola nga parkingu më sulmuan tre persona. Falë Zotit e kalova lehtë.

Shpresoj që organet e MPB-së dhe gjithë insitucionet relevante do ti marrin masat për zbardhjen e këtij rasti”, tha Sejdini për Klan Maqedoni.