Një godinë e UKT-së është sulmuar ditën e sotme në Pogradec.
Nga informacionet paraprake, raportohet se persona ende të paidentifikuar kanë thyer dyert e xhamat e dritareve të ndërtesës. Dyshohet se ata kanë qenë të maskuar.
Mësohet se kanë qenë vetë banorët e fshatit Verçun që kanë bërë denoncimin në polici, pasi kanë parë dyert e thyera. Policia po merret me hetimin e rastit, por ende nuk dihet se kush qëndron pas këtij sulmi.
Aktualisht po vëzhgohen filmimet e kamerave të sigurisë për të zbardhur më shumë detaje mbi ngjarjen.
Discussion about this post