Nënkryetarja e Partisë Demokratike, Grida Duma, nuk i ka kursyer akuzat ndaj Berishës në Parlament, pasi ky i fundit pak më parë sulmoi Lulzim Bashën. Mes ironie Duma tha se duket se kush në të vërtet bashkëpunon me Ramën. Sipas saj socialistëve iu shkëlqenin sytë kur po fliste Berisha. Sakaq, ajo tha se më këto krenohen socialistët duke thënë se kanë mundur PD tre herë, kur në të vërtet PD e pranon që u mund mes vetes, ama gjithmonë kanë thënë të vërtetën. Sipas saj, në këto rast është Berisha që kërkon të manipulojë të vërtetën.
“Jemi përballë njëri-tjetrin duke mashtruar secili më shumë. Dalin ministra dhe thonë këtu ju kemi mundur tre herë. Në fakt ne nuk jemi mundur nga ju. Ju keni mundur një gjë, të drejtën e shqiptarëve për mirëqenie, shpresë. Që s’thuhen të vërteta më ju e konsideroni mafiozllik politik. Unë do ta filloj nga të vërtetat tona. Jemi mundur, por jo nga ju, jemi mundur nga vetja.
Çohet këtu më i vjetri ndër nesh dhe jemi përpjekur ta nderojmë dhe thuhet gjithçka është e mundur për ta bërë ta pamundur opozitarizmin. Ai fliste, ju shkëlqenit sepse shikonit sesi ne mundim vetveten. Një gjë është e sigurt, të thuash të vërtetën është forcë, të fshihesh pas të vërtetave të tjetrit është dobësi. Në kaq mandate ju nuk thoni dot një të vërtetë”, tha ajo.
Discussion about this post