Ish-eurodeputetja Doris Pack ka reaguar në rrjetin social X në lidhje me deklaratat e deputetit gjerman të CDU/CSU Kriechbaum. Ky i fundit ishte në Tiranë për një vizitë dy ditore ku takoi Lulzim Bashën dhe deputetët të tjerë të opozitës.
Ai nuk la pa përmendur dhe Sali Berishën, duke thënë se është një person me probleme me drejtësinë. I pyetur nëse do ta takonte Berishën, Kriechbaum u përgjigj se nuk takon persona që janë nën hetim. Gjithashtu ai vlerësoi punën e SPAK dhe se ky institucion nuk duhet sulmuar siç bën Berisha. Nga ana tjetër e quajti të drejtë veprimin e organit të drejtësisë për caktimin e masës së sigurisë ndaj ish-kryeministrit pa pyetur parlamentin.
Doris Pack i është përgjigjur deklaratave të Kriechbaum, duke u shprehur se ndjehet keq që një deputet gjerman thotë marrëzira në televizionet shqiptare. Ajo shton se edhe në Kushtetutën gjermane, që ndaj një deputeti të fillojë ndjekja penale atij duhet t’i hiqet imuniteti me votën e Bundestagut.
Postimi:
Ndjehem e turpëruar që deputeti gjerman Kriechbaum thjesht thotë marrëzi në TV-të në Tiranë. Kjo është e vërteta: 46% e Grundgesetz (Kushtetuta) jonë thotë qartë se ndjekja penale e një deputeti mund të fillojë vetëm nëse i hiqet imuniteti këtij deputeti, me votën e Bundestagut.
I feel ashamed that German MP Kriechbaum just tells TV in Tirana nonsense.This is the truth:
%46 of our Grundgesetz(Constitution)says clearly,that the prosecution of a member of Parliament can only be started if the immunity of this member is lifted by the vote of Bundestag.— Doris Pack (@DorisPack2) October 28, 2023
Discussion about this post