Ndonëse deklarata e saj për kandidatët e 6 marsit u pa si një sulm ndaj ish-kryeministrit Berisha, ambasadorja amerikane Yuri Kim ka bërë një tjetër status për të sqaruar situatën.
Kim ka sjellë në vëmendje se Shtetet e Bashkuara të Amerikës kanë sanksionuar publikisht katër persona në Shqipëri, duke sqaruar kështu se nuk është vetëm Sali Berisha.
“Kujtesë: Shtetet e Bashkuara kanë përcaktuar publikisht katër persona në Shqipëri sipas Nenit 7031(c)”. @USAmbAlbania Yuri Kim https://t.co/G61cK53cFe
— USEmbassyTirana (@USEmbassyTirana) February 21, 2022
Ky sqarim i diplomates vjen pas deklaratës së saj pak më herët sot, ku iu drejtua kandidatëve të 6 marsit se çfarë i ofrojnë votuesve nëse sponsori i tyre kryesor është shpallur “non grata” nga SHBA.
Kujtojmë se të shpallur publikisht “non grata” nga SHBA janë Sali Berisha, Tom Doshi, Vangjush Dako dhe Ardiatik Llalla.
Discussion about this post