Sulmoi policët me automjetin e tij, policia arreston autorin

Policia e Kosovës ka njoftuar se ka arrestuar një person në Gjilan, i cili me automjetin e tij ka tentuar të godasë dy zyrtarë policie.

Siç njofton policia, ai kishte në furgonin e tij mallra të kontrabanduara

“Është arrestuar i dyshuari mashkull kosovar për shkak se me automjetin e tij kombi ka tentuar të godas dy zyrtarët policor të cilët i kishin dhënë shenjë për tu ndalur për shkak se në automjet i dyshuari kishte pasur të ngarkuara mallra të ndryshme-kryesisht pije alkoolike të cilat dyshohej se ishin të kontrabanduara. Gjatë ballafaqimit, njëri nga zyrtarët policor në vetëmbrojtje, ka përdorur mjetet zyrtare por nuk janë shkaktuar lëndime apo dëme materiale”, thuhet në njoftim.

Me vendim të prokurorit i dyshuari është dërguar në mbajtje, ndërsa automjeti me mallra është dërguar në terminalin doganor-Dheu i Bardhë.

Lidhur me rastin për procedura të mëtejme janë informuar institucionet kompetente.