Sali Berisha ka reaguar pas ngjarjeve të fundit që tronditën vendin. Ai u shpreh në Kuvend se në 4 ditë janë vrarë 4 persona nën moton “kokën e njëri tjetrit”, “Rendi në duart e krimit”, “policia nuk ekziston”,” që sipas tij po detyron shqiptarët të largohen nga vendi.
Berisha akuzoi Ramën se ka në platformën e tij qeverisëse gjenocidin ndaj shqiptarëve, duke thënë se “krim-ministri sulmon me tërbim, tritol e dinamit mediat”.
“Nuk është këtu ministri i familjes, 4 ditë 4 të vrarë në moton ‘kokën e njëri tjetrit’, moton ‘Rendi në duart e krimit’, në moton ‘policia nuk ekziston’.
Kjo është siguria, dhe këto janë kushte të kalkulueshme për largimin e shqiptarëve. Kjo është pjesë e platformës së genocidit që ushtrohet ndaj qytetarëve shqiptarë. Një kryeministër që sulmon me tërbim mediat, me tritol, me dinamit, që inkoheron breshëritë ndaj mediave të tjera me qëndrimet e tij.
Është krim-ministër nuk mund të quhet kryeministër. Dhe në kulmin e vrasjeve prisni kur të deklarojë sërish se rendi sot është më i mirë se kurrë në histori”, tha Berisha.
Discussion about this post