Dalin të tjera detaje nga lëvizjet e dyshimta të dy shtetasve rusë dhe atij ukrainas, gjatë qëndrimit në Shqipëri. Mësohet se para incidentit, në Uzinën e Armëve në Gramsh, ku sulmuan me spraj neuro-paralizues dy ushtarë shqiptarë, ata kanë patur një tjetër objektiv.
Mësohet se tri ditë më parë dy rusët dhe ukrainasit kanë qenë në Poliçan.
Ndërkohë mësohet se dëshmitarë në polici kanë raportuar se kanë parë edhe makinën me te cilen leviznin.
Kujtojmë se këtë të diel në Polican u ndaluan katër çekë.
Policia blindoi uzinën e Poliçanit e cila dikur shërbente për prodhimin e armëve dhe municioneve, pas ndalimit të katër të huajve nga Çekia që po fotografonin. Bëhet fjalë për katër shtetas europianë, prej tyre dy burra dhe dy gra që kanë shkrepur foto në tunelin që të çon drejt uzinës së Poliçanit.
Dyshimet janë se ata kanë dëmtuar çelësin e tunelit që të çon drejt uzinës duke rritur dyshimet e policisë të cilët kanë bërë menjëherë shoqërimin e tyre drejt komisariatit.
Discussion about this post