Sipas informacioneve, të bëra të ditura, këtë javë, nga gazeta angleze ‘Daily Mail’, Ivan Toney, sulmuesi anglez i Brentford, u shpall fajtor për përfshirje në bastet sportive, pasi u bë objekt i një hetimi nga Federata Angleze e Futbollit (FA), të bazuar në 262 akuza.
Sulmuesi 26-vjeçar pritet që së shpejti t’i nënshtrohet një seance dëgjimore në federatë, e cila pritet ta ndëshkojë me një pezullim prej disa muajsh, për të filluar ndëshkimin para përfundimit të sezonit, kështu që ai mund të humbasë të gjithë pjesën e mbetur të sezonit.
Duhet mbajtur mend, se më herët, i famshmi Joey Barton, ish-mesfushor ndër të tjera, i Newcastle United dhe Olimpikut të Marsejës, u dënua me 18 muaj (i reduktuar më vonë në 13), për shkak të 1260 akuzave për përfshirje në baste sportive, dhe sipas asaj gazete, sulmuesi i Brentford tashmë nuk e vë në dyshim pezullimin e mundshëm, por nuk do ta kundërshtojë dënimin.
Discussion about this post